Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Silli adalarında yaşamış insanların həyat tərzinə dair maraqlı detallar aşkarlandı
Böyük Britaniyanın cənub-qərbindən 48 kilometr aralıda yerləşən Silli adalarında aparılan arxeoloji qazıntılar adalıların keçmişdə su nəqliyyatına necə güvəndiyini və bu nəqliyyat vasitələrinin nə qədər çoxfunksiyalı olduğunu üzə çıxarıb.
Qaynarinfo xəbər verir ki, "The Guardian" qəzetinin məlumatına görə, arxeoloqlar burada 17-ci əsrə aid olan və "loçman qayıqları" üçün istifadə edilən 90-a yaxın qayıq anqarının yerini müəyyənləşdiriblər.
Bu yüngül və davamlı qayıqlar, altı avarla təchiz olunmuşdu və loçmanları dənizdəki gəmilərə çatdırmaq üçün istifadə edilirdi. Onlar həmçinin batan gəmilərdə xilasetmə əməliyyatlarında, mayakların tikintisi və istismarında, eləcə də adalararası insan və yük daşımalarında mühüm rol oynayıb.
Tədqiqatı aparan Kornuol Arxeologiya İdarəsinin mütəxəssisi Keti Parks bildirib ki, əvvəllər bu qədər çox anqarın mövcud olduğuna dair heç bir məlumat yox idi. Onların təxmininə görə, say bir neçə onluqla məhdudlaşmalı idi, lakin son nəticələr gözləntiləri üstələyib.
Tədqiqatçılar göstəriblər ki, bu anqarların yarısı bu günə qədər müxtəlif formada - ya xarabalıq halında, ya da qismən qorunmuş şəkildə qalmaqdadır. Tikililərin əksəriyyəti qranit daşlarla inşa edilib, damları isə qamış, qıjı və ya samanla örtülüb.
Parks qeyd edir ki, bu tikililər asanlıqla tanınır, çünki hamısı təxminən eyni ölçüdədir – 10 metr uzunluğunda və 3 metr enində. Bu ölçülər bir qayığın yerləşməsi üçün tam uyğundur.
Layihə çərçivəsində həmçinin anqarların qapılarından dərin sulara doğru uzanan dar keçid yolları – qaya daşlarının kənara çəkilməsi ilə yaradılmış "qayıq yolları" – xəritəyə salınıb. Bu keçidlər adaların müxtəlif hissələrində fərqli adlarla tanınır: Brayer adasında onlar "dranq", Sent-Aqnes adasında isə sadəcə "cığır" adlandırılır.
Alimlər həmçinin təpələrin zirvəsində yerləşən strateji müşahidə məntəqələrini də müəyyənləşdiriblər. Bu məntəqələrdən birində vaxtilə bir dirək yerləşirdi və bu dirək vasitəsilə gəmilərə loçman qayığının yola çıxdığı barədə siqnal verilirdi.
"Historic England" təşkilatının cənub-qərb regionu üzrə direktoru Ross Simmonds vurğulayıb ki, bu qayıqların və limanların irsi yalnız yerli deyil, ümumən dənizçilik tarixinin bir hissəsi olaraq bütün ictimaiyyət üçün əhəmiyyətlidir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər