Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Orbanın qızının ailəsi ilə ABŞ-a köçməsi müzakirələrə səbəb oldu
Macarıstanın baş naziri Viktor Orbanın qızı Raxel Orban ailəsi ilə birlikdə ABŞ-a köçüb, təhsil aldığı müddətdə orada yaşayacaq.
Qaynarinfo xəbər verir ki, bu barədə Macarıstanın "Telex” nəşri yazır.
Cümə axşamı, müxalif "Tisa” partiyasının lideri Peter Madar "Facebook”da yazıb ki, baş nazirin qızı və kürəkəni ölkədən çıxıblar:
"Raxel Orban və İştvan Tiborç uşaqları və çoxlu çamadanları ilə bu gün saat 16:00-da (Milan hava limanından) köhnə qitədən yeni dünyaya və azadlıq ölkəsinə yola düşdülər".
Əsas səhmdarı Orbanın kürəkəni Tiborç olan BDPST Group şirkətinin nəşrə verdiyi açıqlamada Raxel Orbanın əvvəlki "Instagram” paylaşımına diqqət çəkib:
"İştvan Tiborç, Raxel Orban və uşaqları 2025/2026 tədris ilini ABŞ-da keçirəcəklər, çünki Raxel Orban universitetdə təhsil alacaq".
İyul ayının əvvəlində Raxel Orban "Instagram”da yazmışdı ki, onu ABŞ-dakı universitetlərdən birinə qəbul ediblər və o, milyarder və iş adamı olan həyat yoldaşı İştvan Tiborç ilə bu qərarı düşünürlər. "BDPST Group”un açıqlaması məsələnin yekun şəkildə həll olunduğunu təsdiqləyir.
Baş nazirin qızı paylaşımında həmçinin qeyd edib ki, artıq təxminən on beş ildir ABŞ-a qayıtmağı planlaşdırır, orada bir vaxtlar Boston Universitetində bir semestr təhsil alıb.
Onun sözlərinə görə, ABŞ-da çoxlu imkanlar və "sonradan evə gətirilə biləcək yeni biliklər” görür və məqsədi "öyrənmək, təcrübə qazanmaq və bunu evə gətirməkdir”.
Baş nazirin qızının ABŞ-a köçməsi xəbəri xüsusilə diqqət çəkib, çünki Viktor Orban siyasi məqsədlərindən biri kimi Macarıstan diasporasının ölkəyə geri dönməsini elan edir. Xüsusilə, 2023-cü ildə Macarıstan hakimiyyəti xaricdə yaşayan macarların geri dönməyi düşünməsi üçün ayrıca portal yaradıb.
Qeyd edək ki, son sorğulardan biri göstərib ki, Viktor Orbanın "Fides” partiyası reytinqlərdə müxalif "Tisa” partiyasından geri qalır.
Alpər
Oxşar xəbərlər
Məmməd Ağayevə ittiham elan olundu
Dünya
29.08.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər