Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Berlin Moskvanı qaz oyunlarında ittiham edir
Rusiya qaz təchizatı ilə siyasi oyun oynayır.
Qaynarinfo "Politico” saytına istinadla xəbər verir ki, bu barədə Almaniya hökuməti bəyanat yayıb.
"Qazprom” cümə axşamından etibarən Rusiya-Almaniya boru kəməri ilə qaz axınının gündə 167 milyon kubmetrdən 67 milyon kubmetrə düşəcəyini elan edib. Şirkət bunu iki kompressorun işinin dayandırılmasının zəruriliyi ilə izah edib. "Qazprom” bildirib ki, lazımi hissələr Kanadadakı bir texniki xidmət müəssisəsində sanksiya səbəbilə ilişib qalıb. "Belə bir təəssürat yaranıb ki, baş verənlər texniki cəhətdən əsaslandırılmış qərar deyil, siyasi motivlidir”,- Almaniyanın İqtisadiyyat və İqlim naziri Robert Habek deyib.
Avropaya göndərilən mayeləşdirilmiş təbii qazın (LNG) əksəriyyətinə cavabdeh olan Freeport LNG-də baş verən yanğın və partlayışdan sonra bu, AB-nin qaz problemlərini daha da gücləndirir. "Bu, Avropa qaz bazarı üçün ikiqat zərbədir. Bu iki amilin birləşməsi və onların hər ikisinin yayda gözlənilən qədər yüksək tədarük edə bilməyəcəyi ilə bağlı qeyri-müəyyənlik ... bu, açıq şəkildə qışda qazın mövcudluğuna təsir edəcək”,- ICIS-in qaz analitikasının rəhbəri Tom Marzek-Manser deyir.
Tədarüklərdəki azalmalara baxmayaraq, AB hələ də Rusiya qaz idxalını azaltmaq səylərini həyata keçirə bilmir. Avropa Komissiyasının sədri Ursula fon der Leyen Rusiya qazını 155 milyard kubmetrdən bu il təxminən 51 milyard kubmetrə endirməyi vəd edib, lakin bu vədin reallaması artıq mümkün deyil.
Brüsseldəki Bruegel analitik mərkəzinə görə, bu həftə AB ölkələri Rusiyadan boru kəməri ilə artıq 51 milyard kubmetr qaz idxal edib. Bruegel-in tədqiqat analitiki Ben Makvilyams bildirir ki, bu rəqəmə dənizdəki Rusiya LNG-sinin alınması daxil deyil. Bu isə 10% əlavə qaz deməkdir.
AB planlaşdırdığından daha çox Rusiya qazı alsa da, tədarüklər azalır. Şirkətlər Moskvanın rublla ödəniş tələbindən imtina etdikdən sonra "Qazprom" Polşa, Bolqarıstan, Finlandiya, Hollandiya və Danimarkaya, eləcə də Shell Energy Europe ilə müqavilə əsasında Almaniyaya bəzi tədarükləri artıq dayandırıb.
Qaz böhranını həll etmək üçün Brüssel aktiv olaraq alternativ təchizatçılarla danışıqlar aparır. Çərşənbə günü von der Leyen Qahirədə Misir qazının İsrailə nəqli üçün müqavilə imzalayıb, burada qaz mayeləşdirilərək gəmi vasitəsilə AB-yə çatdırılacaq.
Energetika üzrə komissar Kadri Simson da Trans-Adriatik Boru Kəməri vasitəsilə Yunanıstan və İtaliyaya gələn qaz tədarükünü müzakirə etmək üçün iyul ayında Azərbaycana səfər edəcəyini deyib.
Nurlan Hüseynov
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər